متقول بقي مصري
وبلاش نعرات
مسلم ومسيحي
ما كلنا اخوات
شوفو مين كسبان من كل الاختلافات
اعرفو مين بيوقع بينا ؟
شوفو مين بيحب الفتنه؟
شوفو الايد دي جايه منين
علشان نقطعها
ولا توقع بينا
رأس الشر أم الارهاب
عايزين يشوفونا واقعين مع بعض
عايزين يشوفونا بنكره بعض
عايزين يشوفو مصر في خراب
والله لأ ه يا بوش
عايشين في سلام
مسلمين واقباط
بنشتغل كلنا مع بعض
ده مافيش اي اختلافات
بس ابعدوا بقي عنا
وسيبونا مره في حالن
اده أمن الدوله مابيفرقش
مسلمييين من أقباط
كلنا في المعتقلات
,,شاطرين بس يجيبو البابا والشيخ
بيبوسو في بعض
ويقولو الجرح أهو مات!
يا جماعه بقي فوقوا
يا جماعه بقي اصحوا
واقرو تاريخنا اللي فات
وبلاش نعراات
ابن ناصر
8 comments:
هلال وصليب كلنا واحد وكلامك تمام ياابن ناصر
البوست ده روعة
شكرا ليك
كلامك في الصميم يا ابن ناصر
انت عبرت عن فكرتك بطريقة جميلة جدا
صحيح كلنا اخوات
ويا رب بس نصحى
يا رب نفوق
قبل ما الوقت يفوت
ونبكي دماء بدل الدموع
مممممممممممممممم
موضوع جميل
بس برده أنا أعترض مع بعض الأجزاء فى المقال
السلام عليكم
تمام يا ابن ناصر كلنا واحد والله ولا عمر حد يفرق بينا لان احنا ولاد البلد دى
عاشقة الوطن
شكرا ليكي ..
ياسمينا
تحياتي
مؤمن كان ياريت تقولي وجه اعتراضك
قومي الي الابد
بيحاولو بيقعوا دلوقتي!
تحياتي للجميع
رائع يا ابن ناصر
ماكنتش اعرف كمان ان ليك فى الزجل
سيبلنا حاجة باه :)))
تتحياتى ليك
منذر
ههههه
لا احنا فين وانتا فين !!
تحياتي
أنا إستخدمت الصورة دي عندى-
يا رب منبقاش دى حاجة تضايقك
معلش أنا بكتب الباوج بالإنجليزي بس بردو مصرية والمواضيع هي هي
Post a Comment