Sunday, July 29, 2007

راية الحق

المهانة والذل
لا حول الله ..في المسلمين
لا تعليق
ما ثمن المواطن العربي
لا كرامة لا ثمن انه الذل والعار
يموتون جوعا ..انه الخزي والعار
...


فوعزة الذي خلقني

لأدنس وجوههم في التراب

ولأرفع راية الحق مبينا ًً

الحقيقة من السراب

وسأقول لأمتي إنهضي

إظهري النور من الظلام

فبشر المؤمن بالنصرِ

اذا استوت اخلاقة وطاب
...


تحياتي
ابن ناصر
http://ibnasser.blogspot.com
http://shaabyn.blogspot.com

Wednesday, July 25, 2007

حملة افضحوا تجار الكيف

>>>
المخدرات
دي سموم في بدنا
عايزين نحمي منها بلادنا
من أجل ولادنا
عايزين نقضي عليها بالكامل
من أجل حياتنا
عايزين كلنا مع بعضينا
نحمي بلادنا
من أعدائها
من جواها ومن براها
ونقضي عليهم
علشان نرعاها
ونرعي بلادنا
نبتدي بكفاحنا
ضد الكيف
وضد السطلة
يالا معانا
ايدنا في ايدك
مش هنسيبك
بلغ عنهم
اكشفهم
ورينا إجرامهم
علشان
ياخدو جزاءهم

...
>>>>>>>>>>>>>>>>>>>>>>>>>>>>>>>>>>>>>>>>>>>


كلمات من اجل حملة افضحوا تجار الكيف من أجل التفاصيل وأخذ باقي البانرات
الموقع الرسمي للحملة
أو مدونتي ابن ناصر
أو صاحب الفكرة الجميل صاحب البوابة

...
تحياتي
ابن ناصر

Tuesday, July 24, 2007

قفلت بابك بالستاير

...

منذر صاحب مدونة حين البأس

يكتب:


قفلت بابك بالستاير



ع الى داخل والى خارج


والمخارج والمعابر


والبيبان حيطة سدة


بالمدافع والخناجر


فى وجه غزة


ده وضع فاجر



م اللمامة م الحثالة



م اليهود الصهاينة



ده حيطة قايلة للسقوط


ده عمارة قايلة للهبوط



على دماغ الأكابر


والعدو فى نفسه شر


واخوانا قاعدين فى الحر


غرام وهيام



فى العدو المكابر


والحبيب والصديق


والمصلح والأديب



فى السجون والعنابر



والدنيا رايقة للسياحة



ومصر ليهم استراحة


جواسيس وليلة



زنا وأباحة



فى مصر الجثارة


قوى وإثارة



وملهى ليلى



فى حته ضلمة



وبلاها فلاحة



فى وش غزة


ده تبقى عزة



ده كفر وتناحة



من الغبى التيس



الى مسمى نفسه رئيس


ومخه عاوزله جراحه


يبطله ده التناحة


يفكره بالأصالة


والوطن الرسالة


بالعافية أو بالراحة

.......................

ونشكر المدون الناشط والشاعر الجميل

منذر
صاحب مدونة

لأنه خصنا بهذا الشعر المعبر الرائع

Sunday, July 22, 2007

ناصر الغلابة





الف رحمه ونور عليه


ناصر


شال ظلم الباشا والبيه


ناصر


الغلابه والفلاحين


الشقيانين التعبانين


المظلومين الفقرانين


المقهورين المذلولين


عمل ثوره وقاد انقلاب


وخلي الخونه زي الكلاب


عمل ثوره علي الفساد


وطرد الاحتلال بره البلاد


وغير أوضاع العباد


ناصر هو زعيم الامه


اللي جم من بعدوا لمه


ضيعوها وخربوها
ووزعوها في كل حته



ناصر كان راجل أمين


كان حياته الغلبانين


بث في الناس روح الوطنيه


ماكنش حشاش في البطنيه


ماكنش بيحب اسرائيل


يعني كان معادي للسلام


زي مقالوا الامريكان


عمروا ماقلع مراته ملط


في حفله ورقصها فلص


عمروا ما ورث البلاد


أو كان راعي للفساد


وأي غلبان تلاقييه


أما كان يسمع


أسم ناصر


كان يقول


فينك يا ناصر


باعوا أرضي


وباعوا عرضي


فينك با زعيم تاخد بيدي


عايزين راجل زيك وطني


مش بتوع الحزب الوطني


الحراميه السفاحين
مصاصين الدماء



اللي جابولنا البلاء

>>>>


....
تحياتي
ابن ناصر

http://ibnasser.blogspot.com
Ibn-nasser@hotmail.com

Thursday, July 19, 2007

رسالة الي كل ظالم

...
عندما يغير القدر الأحوال
وتري نفسك بغير جاهٍ ولا مال
إعرف انك أمام الخالق العظيم
ذو الجلالِِ والاكرام
فستندم علي كل الايام
التي عشتها تظلم في الأنام
وعندما يأخذ منك المظلوم حقه
ستشعر باحساس المظلوم
ولحظةالإنهزام
...
..
.
تحياتي

Saturday, July 14, 2007

ذكري العدوان الصهيوني علي لبنان

لؤلؤة العرب

لبنان

يا حمل في وسط الذئاب

يا نجمة في وسط الضباب

يا لؤلؤة العرب

يا زينه في الرقاب

اصمدي وقاومي

لاتنحني بل حاربي

توحدي وقاتلي

بابنائك استشهدي

حتي أخر الرجال

ارجوكي لا تضعفي

تمسكي

بأعظم الرجال

بأشرف الرجال

في هذا الزمان

رجل في زمن الانوثة والخيانه

وبأمانه

نصر الله أتي لامحاله

ولا مفر ولا جدال

صواريخ الموت تمطركم

من حيفا الي عسقلان

وأنتم شاردون

فإن حزب الله هم الغالبون

تقدم يا نصر الله الي الامام

دافع عن شرفنا وامتشق الحسام

هيا يا جنود الله هبو

هاهو ميعاد النصر قد حان

هاهو ميعاد النصر قد أن ..

>>>>>>

(كتبت في وسط الحرب)

تحياتي

ابن ناصر

Wednesday, July 4, 2007

هلال وصليب


متقول بقي مصري


وبلاش نعرات


مسلم ومسيحي


ما كلنا اخوات


شوفو مين كسبان من كل الاختلافات


اعرفو مين بيوقع بينا ؟


شوفو مين بيحب الفتنه؟


شوفو الايد دي جايه منين


علشان نقطعها


ولا توقع بينا


رأس الشر أم الارهاب


عايزين يشوفونا واقعين مع بعض


عايزين يشوفونا بنكره بعض


عايزين يشوفو مصر في خراب


والله لأ ه يا بوش


عايشين في سلام


مسلمين واقباط


بنشتغل كلنا مع بعض


ده مافيش اي اختلافات


بس ابعدوا بقي عنا


وسيبونا مره في حالن


اده أمن الدوله مابيفرقش


مسلمييين من أقباط


كلنا في المعتقلات


,,شاطرين بس يجيبو البابا والشيخ


بيبوسو في بعض


ويقولو الجرح أهو مات!


يا جماعه بقي فوقوا


يا جماعه بقي اصحوا


واقرو تاريخنا اللي فات


وبلاش نعراات

...
ابن ناصر