كان يا مكان
كان فيه في يوم
مكان
اسمه سجن الوطن
اسمه سجن الوطن
والسجن بالسنين
وألايام
حاولوا يقولوا لأ
علي الظلم والنظام
الفاسد في العلان
لكن الحق في العصر ده
كان إتهام
ولكن في السجون
كان القمر بيطل
بالامان
والفجر الحزين يقول
لسه يوم الفرح هيجي
والحق راح يبان
لكن يا تري هل في يوم سجن الوطن ينفك !؟
ولا القمر كذاب ؟ والفجر مالوش أمان؟
....
ابن ناصر
8 comments:
السلام عليكم
لا طبعا خليك متفائل دوام الحال من المحال اكيد كل شئ هيتغير للاحسن ان شاء الله
تعرف اصعب حاجه انك تكون عايش في بلدك وحاسس بالغربه فيها
كلماتك جميله اوي ومعبره
ربنا يوفقك
bossy
شكرا ليكي .بس هيجي منين ال تفاؤل ..يعني بوصي صورة البروفايل بتاعتك البت في الظلم لكن بتبص علي حاجه في نور متفائله ..المشكله النور ده فين!!؟
تحياتي
بقولك ايه
النور في اخر الشارع
والله في امل لسه في ناس
بتخاف علي البلد دي ونفسها تغيرها
يكفي ان في حد زيك بيفكر في مصلحة البلدوالله
مش ناقص البلد دي غير تفائل وعمل
وضمير
ان شاء الله النور جاي
ولا يهمك
بعده القمر بيقهر النظام
بعده القمر نوره في المكان
بعده القمر اعلى من الانسان
القمر عمره ما يكون كذاب
وبيوم حيطل بالامان
وبيوم الفجر بيطلع
وتسطع نور الشمس على الاكوان
سلامي
رائع ولكن فيه الكثير من اليأس وانا معرفش عن الناصريين كدة
بس روعه روعه بجد والله
تحياتى
bossy
يارب يسمع من بقك ربنا
فعلا الضمير اهم شيء
تحياتي
يسمينا
يااااااااه ايه الشعر الجامد ده
تحياتي ليكي
ضد الظلم
والله نحن لا نيأس لكن احيانا الوقع الداخلي لمصر والخارجي للأمه العربيه والاسلاميه بتخلي الواحد ييأس
تحياتي وشكرالك
Post a Comment